ტელევიზორი

პერსონალური კომპიუტერების და ელექტრონული მოწყობილობების უპრეცედენტო განვითარებამ ბოლო წლებში, მედიის სრულიად ახალი მოხმარების შესაძლებლობა მოგვცა. თუ მანამდე ჩვენს მიერ ტელევიზორთან გატარებულ დროს მხოლოდ წინასწარ რეჯიმენტირებული პროგრამის თვალის დევნება შეგვეძლო ან საუკეთესო შემთხვევაში მეხსიერების ბარათის მიერთებით, წინასწარ ჩაწერილი ფილმების ყურება, ახლა, თანამედროვე სმარტ ტელევიზორი შეგვიძლია პრაქტიკულად სახლის კინო-თეატრად ვაქციოთ და მოვიხმაროთ მედია, რომელიც მანამდე მხოლოდ პერსონალური კომპიუტერის ან სმარტფონის ეკრანზე იყო ხელმისაწვდომი, იქნება ეს სოციალური მედიების კონტენტი, YouTube, სტრიმინგ პლატფორმები როგორებიცაა Twitch თუ ფილმებისთვის და სერიალებისთვის განკუთვნილი აპლიკაციები, მაგალითად Netflix, Disney+, Apple TV და HBO Max.

რა არის სმარტ ტელევიზორი?

მარტივად რომ ითქვას, სმარტ ტელევიზორი კონვენციური მოდელებისგან იმით განსხვავდება, რომ მას აქვს პირდაპირი წვდომა ინტერნეტზე. ამასთანავე, სმარტ ტელევიზორის კონტროლი შეიძლება სმარტფონით და აქვს თავისივე აპლიკაციები.

ჩვენი ონლაინ მაღაზია გთავაზობთ სმარტ ტელევიზორების ფართო არჩევანს, რომლის ფარგლებშიც შეგიძლიათ იპოვოთ თქვენთვის ყველაზე ხელსაყრელი პროდუქტი საერთაშორისო აღიარების მქონე ბრენდებისგან, სახლიდან გაუსვლელად. Big Mart-ზე არსებული ტელევიზორების სელექცია პირველ რიგში ზომის მიხედვით განსხვავდება. ყველაზე მაღალი გაფართოების და ზომის ტელევიზორი SkyTech-ისგან დიაგონალურად 50 ინჩი, ანუ 127 სანტიმეტრია. აღნიშნულ ტელევიზორს LED გამოსახულება აქვს. მისი ოპერატიული მეხსიერება 1 გბ-ია, ხოლო ფლეშ მეხსიერება 8 გიგაბაიტია. ამასთანავე, აღნიშნულ ტელევიზორს აქვს ანდროიდ TV 11-ის (უახლესი ვერსია) მხარდაჭერა და მიიღებს ყველა განახლებას მომდევნო წლების განმავლობაში. ტელევიზორის გამოსახულების ფორმატი 16x9 არის, ხოლო მხედველობის კუთხე 178x178-ია, რაც იმას ნიშნავს, რომ არაა აუცილებელი ეკრანი თქვენი მხედველობის არეში ცენტრალიზებული იყოს, რადგან ოთახის უკიდურესი კუთხეებიდანაც კი შეძლებთ დატკბეთ მაღალი გამოსახულებით ისე, რომ არეკლილმა სინათლემ ხელი არ შეგიშალოთ. ეკრანის გაფართოება 1920 x 1080-ზეა, ანუ აღჭურვილია Full HD გამოსახულებით.

დანარჩენი მოდელების განხილვამდე, ერთი-ორი სიტყვით უნდა აღნიშნოს Android TV 11-ის ახალი თვისებები, რომლებიც სმარტ ტელევიზორის სახელს ამართლებს და თქვენს ტელევიზორს ნამდვილად ჭკვიან მოწყობილობად აქცევს. Android 11 სპეციალურად სმარტ ტელევიზორებისთვის შეიქმნა, რაც გულისხმობს, რომ ის ძალიან კარგად არის სინქრონიზებული სხვადასხვა მედია აპლიკაციებთან და სტრიმინგ პლატფორმებთან, რომლებიც ქვეყანაში სულ უფრო და უფრო პოპულარული ხდება. პირველი მნიშვნელოვანი განახლება რომელიც Android TV-ის მეთერთმეტე იტერაციამ მიიღო უსაფრთხოებას ეხება. ოპერატიულ სისტემას დაემატა პრივატულობის ფუნქციები, როგორებიცაა “ერთჯერადი ავტორიზაცია” და ამასთანავე მნიშვნელოვნად გაუმჯობესდა ოპერაციული სისტემის სისწრაფე. Android 11-ს დაემატა gamepad მხარდაჭერა, რაც ნიშნავს რომ ტელევიზორში შეგიძლიათ შეაერთოთ თანამედროვე კონსოლები როგორებიცაა Steam GamePad ან ემულატორები კლასიკური თამაშებისთვის. ამასთანავე, Android TV 11-დან მოყოლებული, სმარტ ტელევიზორების ოპერატიული სისტემაში შეგიძლიათ გამოიყენოთ ეგრეთწოდებული Low Latency Mode, რომელიც საშუალებას მოგცემთ უყუროთ თქვენს საყვარელ მედიას ნელი ინტერნეტის პირობებშიც კი. ტელევიზორის კონტროლი, მიუხედავად იმისა, რომ ის ანდროიდის ოპერაციულ სისტემაზე მუშაობს, შეგიძლიათ როგორც ანდროიდის მქონე სმარტფონის, ისე Apple-ის პროდუქტების მეშვეობითაც. ამისთვის, საჭიროა უბრალოდ ჩაიწეროთ Google TV-ის აპლიკაცია, შეხვიდეთ თქვენს ანგარიშზე და დაიწყოთ ტელევიზორის გამოყენება. გაითვალისიწინეთ, რომ იმისთვის, რომ თქვენი სმარტფონი სინქრონიზებული იყოს ტელევიზორთან, მნიშვნელოვანია, რომ ორივეგან, სმარტფონზეც და ტელევიზორზეც, შეხვიდეთ ერთიდაიგივე Google-ის ანგარიშით.

ცხადია, რომ ტელევიზორის ყურებისას მხოლოდ ონლაინ მედიის მოხმარება იშვიათად გვსურს. ხანდახან გვსურს ვუყუროთ ისეთ ფილმს, რომელიც თანამედროვე სტრიმინგ პლატფორმებზე არ მოიპოვება. მიუხედავად იმისა, რომ სმარტ ტელევიზორებს სრული Wi-Fi მხარდაჭერა აქვთ, პროდუქცია აღჭურვილია ყველა საჭირო პორტით. მაგალითად, SkyTech-ის მოდელებს, რომლებიც შეგიძლიათ ჩვენთან შეიძინოთ, აქვთ 3 HDMI, 2 USB და 1 VGA პორტი.

როგორ ავარჩიოთ ტელევიზორი

ტელევიზორის არჩევისას ყურადღება უნდა მიაქციოთ რამდენიმე ფაქტორს:

ზომა
ეკრანის ტიპი
აუდიო
ფუნქციურობა

იმისთვის, რომ კომფორტულად უყუროთ ტელევიზორს, ცხადია რომ ზომა აუცილებლად უნდა გაითვალისწინოთ. ამასთანავე, ბაზარზე არსებობს სხვადასხვა ეკრანის ტიპები. ბოლო დროს ყველაზე ხშირად OLED და LCD ეკრანები გვხვდება. ეს უკანასკნელი ძირითადად უფრო კაშკაშაა, თუმცა OLED-ს უფრო კონტრასტული და ხშირად უფრო რეალისტური ფერები აქვს. ფუნქციურობას რაც შეეხება, ცხადია, მსგავსი დეტალები როგორებიცაა სხვადასხვა აპლიკაციების და ინტერნეტის მხარდაჭერა, ისევე როგორც საჭირო პორტების არსებობა ყველასთვის ძალიან მნიშვნელოვანია, თუმცა იმის გათვალისწინებით რომ ჩვენს ონლაინ მაღაზიაში წარმოდგენილი პროდუქცია ყველა თანამედროვე სტანდარტს აკმაყოფილებს, არჩევანი ისეთ პროდუქტზე უნდა შეაჩეროთ, რომელიც ყველაზე უკეთ ეწყობა თქვენს ინტერესებს და მოთხოვნილებებს. აქ სავარაუდოდ ყველაზე მნიშვნელოვანი ეკრანის ზომა და გამოსახულებაა. დიდი ტელევიზორი, რაც არ უნდა მიმზიდველი იყოს მისი შთამბეჭდავი გაფართოება ყველა სივრცისთვის განკუთვნილი არაა და ყველა ოთახს არ მოუხდება. არაფერია იმაზე უარესი, როცა მავანი დაჯდება ტელევიზორის ეკრანის წინ და ფილმის ყურებისას თავის მოძრაობა უწევს, რათა ფილმში ან ვიდეოში მიმდინარე მოვლენებს თვალი ადევნოს. ამიტომ, თუ ტელევიზორს პატარა სივრცისთვის არჩევთ, ბუნებრივია შედარებით მცირე ზომის ეკრანის ყიდვა. ამ მხრივ, ჩვენი ონლაინ მაღაზია ფართო არჩევანს გთავაზობთ. მაგალითად, შეგიძლიათ იყიდოთ 81 სანტიმეტრიანი ან 110 სანტიმეტრიანი ტელევიზორები, რომლებიც იდეალურია არამხოლოდ მისაღები ოთახისთვის არამედ საძინებლებისთვის და სამუშაო სივრცისთვის. ამასთანავე, განსხვავებულ მოდელებს განსხვავებული სტატიკური კონტრასტულობის კოეფიციენტი აქვთ, თუმცა მხედველობის არეალი პრაქტიკულად ყველა პროდუქტს ერთიდაიგივე აქვს. შედარებით პატარა ტელევიზორების გამოსახულებაც შედარებით დაბალია, თუმცა განსხვავება პრაქტიკულად შეუმჩნეველია. ამასთანავე, თუ თქვენ ტელევიზორს ძირითადად სატელევიზო არხების საყურებლად ან წინასწარ ჩაწერილი ფილმების სანახავად იყენებთ, ცხადია აუცილებელი არაა, რომ ანდროიდის მხარდაჭერის მქონე ტელევიზორი შეიძინოთ. ასეთ შემთხვევაში, თქვენთვის სავარაუდოდ იდეალური პროდუქტია FTV-32N4000, რომელიც ფასდაკლებით მხოლოდ 289 ლარად შეგიძლიათ შეიძინოთ. მიუხედავად იმისა, რომ აღნიშნულ მოდელს Android TV-ის მხარდაჭერა არ აქვს, ის აღჭურვილია 1366x768 HD გამოსახულების მქონე ეკრანით, რომელსაც გარდა იმისა, რომ კონტრასტული, მაღალი ხარისხის მქონე გამოსახულება აქვს, მისი მხედველობის არეალი არ ჩამოუვარდება დიდი სმარტ ტელევიზორების მხედველობის კუთხეს და 178/178-ზეა. ფასდაკლების მეშვეობით, 369 ლარად კი შეგიძლიათ შეიძინოთ იმავე ბრენდის, FTV-ის სმარტ ტელევიზორი, რომელსაც Android TV-ის მხარდაჭერაც აქვს და ამასთანავე აღჭურვილია Dolby Digital-ის აუდიო სისტემით.

მიუხედავად იმისა, რომ ჩამონათვალში არსებული ყველა პროდუქტი მედიის მაღალი გარჩევადობით მოხმარების საშუალებას იძლევა, თუ გსურთ რომ შეიძინოთ სმარტ ტელევიზორი, რომელიც უპრეცედენტო გამოსახულებით და ფერებით გამოირჩევა, მაშინ არჩევანი სავარაუდოდ FTV-55SU1100-ზე უნდა შეაჩეროთ, რომელიც არის 4k სმარტ ტელევიზორი, მისი გარჩევადობა 3840 x 2160-ზეა (4k Ultra HD), ხოლო მისი სტატიკური კონტრასტულობის კოეფიციენტი 5000:1-ზეა და ეს მოდელიც Dolby Digital-ის აუდიო სისტემით არის აღჭურვილი. ამ მოდელის შეძენის შემთხვევაში, თქვენს სახლს პრაქტიკულად მინი კინო-თეატრი დაემატება და კინო-საღამოები იგივე აღარასდროს იქნება. თანამედროვე ცხოვრების სწრაფი ტემპი ხშირად გვიბიძგებს, რომ დიდი ეკრანებისთვის განკუთვნილ ფილმებს სმარტფონების და ლეპტოპების ეკრანებზე ვუყუროთ. სმარტ ტელევიზორის სახლში დამატებით საშუალება გექნებათ დატკბეთ ფილმებით და ბოლომდე ჩაერთოთ მოქმედებაში, სახლიდან გაუსვლელად.

სმარტ ტელევიზორის ყველაზე მოთხოვნადი მოდელი

ყველაზე მოთხოვნადი მოდელი, ჩვენთან Skytech STV32N9100-ია, რომლის დიაგონალური სიგრძეც 81 სმ-ია, ამიტომ ის იდეალურია როგორც დიდი, ასევე პატარა სივრცეებისთვის. ყველა საჭირო პორტის გარდა, მას ძალიან კარგი აუდიო სისტემაც აქვს, ამიტომ გასაკვირი არ არის რომ აღნიშნული მოდელი ასეთი პოპულარობით სარგებლობს.

სმარტ ტელევიზორის ყველაზე ხელმისაწვდომი მოდელი

ჩვენთან ტელევიზორის ყველაზე ხელმისაწვდომი მოდელია FTV-32SH110, რომლის დიაგონალის სიგრძეც 81 სმ-ია. აღნიშნული მოდელის გარჩევადობა 1377 x 768-ზეა და ის აღჭურვილია Dolby Digital-ის აუდიო სისტეემით. აღსანიშნავია ისიც, რომ ტელევიზორს აქვს Netflix, YouTube, Facebook, Twitter და Media Center, რაც მედიის მოხმარებას ძალიან ამარტივებს.

შეიძინე ტელევიზორი განვადებით BigMart-ზე

BigMart-ის პროდუქციაზე ვრცელდება სწრაფი განვადების შეთავაზებები, რაც ნიშნავს, რომ სახლიდან გაუსვლელად, თქვენთვის სასურველი პროდუქტი შეგიძლია განვადებით გამოიწეროთ. ამასთანავე, ტელევიზორებზე ვრცელდება 2 წლიანი გარანტია.

5 ხშირად დასმული შეკითხვა:

რა ტიპის ეკრანია ყველაზე ხარისხიანი

ტელევიზორის ეკრანებს უმეტესად OLED და LCD გამოსახულებები აქვთ. მათ შორის არჩევანის გაკეთება პრეფერენციის საკითხია, თუმცა როგორც წესი OLED ეკრანებს უკეთესი გამოსახულება და უფრო მდიდარი ფერები აქვთ, თუმცა LCD ეკრანები უფრო ნათელია და შედარებით ხელმისაწვდომი.

რა უპირატესობა აქვს სმარტ ტელევიზორს?

სმარტ ტელევიზორი მარტივად შეგიძლიათ დაუკავშიროთ ინტერნეტს და ისარგებლოთ სპეციალური აპლიკაციებით, რაც ძალიან ხელსაწყრელია თუ ხშირად უყურებთ NETFLIX-ს და მსგავს სტრიმინგ პლატფორმებს მოიხმართ. ამასთანავე, სმარტ ტელევიზორით ხშირ შემთხვევაში შეგიძლიათ მიიღოთ შეტყობინებები სოციალური ქსელებიდან და ბუნებრივად გამოიყენოთ სმარტფონთან ერთად.

რატომაა ტელევიზორის კედელზე დაკიდება კარგი?

ტელევიზორის კედელზე დამონტაჟებით, თქვენით არჩევთ ყველაზე მოსახერხებელ სიმაღლეს, რაც იმას ნიშნავს, რომ არ ხართ დამოკიდებული საკმარისად მაღალ ავეჯზე. ამასთანავე, ტელევიზორის კედელზე დამონტაჟება ზოგავს ადგილს და ეკრანიც უკეთ არის ინტეგრირებული ინტერიერთან.

რა სიმაღლზე დავკიდოთ ტელევიზორი?

ის თუ რა სიმაღლეზე დაამაგრებთ ტელევიზორს დამოკიდებულია მის ზომაზე. როგორც წესი, რაც უფრო დიდია ტელევიზორი, მით უფრო მაღლა უნდა დაამონტაჟოთ, რომ ეკრანი მთლიანად, კარგად დაინახოთ. თუ თქვენი ტელევიზორის დიაგონალური სიგრძე 80-100 სმ-ია, უმჯობესია ტელევიზორი იტაკაიდან დაახლოებით 140-150 სმ-ზე დაამონტაჟოთ.

რა არის სმარტ ტელევიზორის საშუალო ფასი?

სმარტ ტელევიზორები განსხვავდება როგორც ფუნქციურობით, ისე ზომით, გამოსახულების ხარისხით და აუდიო სისტემით. ამიტომ, საშუალო ფასის შემუშავება რთული იქნება. ჩვენთან, სმარტ ტელევიზორები 370 ლარიდან იწყება და 1100 ლარამდე აღწევს, თუმცა BigMart-ზე ხშირია ფასდაკლებები, როცა პროდუქციის შეღავათიან ფასად ყიდვა შეგიძლიათ.

შეიძინე სხვა საჭირო პროდუქტები ბიგმარტზე :

🛠️