ფრეზი
ფრეზი ყველაზე ხშირად ხეზე სამუშაოდ გამოიყენება და მისი მეშვეობით, შეგიძლიათ ხის ზედაპირს მისცეთ თქვენთვის სასურველი ფორმა, დაიტანოთ ჭრილები დეკორაციისთვის, დამატებითი ფუნქციურობისთვის და არამახოლოდ. აღსანიშნავია, რომ მიუხედავად იმისა, რომ ფრეზი ძალიან სპეციფიკური ხელსაწყოა, მისი ძალიან მრავალფეროვანი ვარიაცია არსებობს. ფრეზები განსხვავდება როგორც მოქმედების ტიპით, ისე გამოყენებით, ზომით და სიმძლავრით, ამიტომ, სანამ გადაწყვეტთ ფრეზის შეძენას მნიშვნელოვანია, რომ ზუსტად იცოდეთ რა ტიპის სამუშაოებისთვის დაგჭირდებათ მისი გამოყენება რა შეზღუდვები გაქვთ და კონკრეტულად რას მოელით თქვენთვის სასურველი პროდუქტისგან. ჩვენს ონლაინ მაღაზიაზე იხილავთ სხვადასხვა ტიპის მოდელებს, რაც არჩევანის გაკეთბას გაგიადვილებთ.
ფრეზი - ბრენდები და მიმოხილვა
ჩვენს ონლაინ მაღაზიას ფრეზების შთამბეჭდავი კოლექცია აქვს. სხვადასხვა მოდელები წარმოებულია ისეთი ბრენდების მიერ, როგორებიცაა;
- MAKITA
- TOLSEN
- DEWARLT
- CROWN
- RONIX
ამასთანავე, ჩვენთან შეგიძლიათ შეიძინოთ ფრეზის თავები Ingco-სგან, Ronix-ისგან და TOLSEN-ისგან. ჩამოთვლილმა ბრენდებმა მსოფლიოში სახელი გაითქვეს, როგორც ხარისხიანი ელექტრონული ხელსაწყოების მწარმოებლებმა, ამიტომ ფრეზის შერჩევისას ყურადღება უნდა მიაქციოთ არამაინცდამაინც ბრენდს, არამედ კონკრეტულ მოდელს და მათ ფუნქციურობას.
როგორ შევარჩიოთ ფრეზი
როგორც აღვნიშნეთ, ფრეზის შერჩვისას ყურადღება უნდა მიაქციოთ იმას თუ რა ტიპის სამუშაოს შესრულებისთვის გჭირდებათ ეს ხელსაწყო. აღნიშნულის გათვალისწინებით, შეიძლება ითქვას, რომ ფრეზის 2 ტიპის გამორჩევა შეიძლება: ფიქსირებული და ცვალებადი ფუძის. ზოგი ფრეზის აპარატი, ხანდახან ორივეს როლს ითავსებს, თუმცა ასეთი მოდელები, როგორც წესი შედარებით უფრო ძვირია და ნაკლებად ხშირად გამოიყენება. ცვალებადი ფუძის მქონე ფრეზის უპირატესობა ისაა, რომ მას აქვს, როგორც სახელი მეტყველებს, ცვალებადი პარამეტრები ჭრილის გაკეთების სიღრმისთვის ეს იმას ნიშნავს, რომ მუშაობისას შეგიძლიათ შეცვალოთ პარამეტრები და სხვადასხვა სიღრმის ჭრილები გააკეთოთ. ერთ-ერთი ასეთი ფრეზის მოდელი, რომელიც ჩვენთან შეგიძლიათ შეიძინოთ, CROWN CT11012-ია, რომელიც სულ რაღაც 3.2 კილოგრამს იწონის, ხოლო საჭრელი თავის ბრუნვის სიჩქარე 12000-13000 ბრუნი წუთშია. აღსანიშნავია ისიც, რომ CROWN-ის ამ მოდელს 50 მმ-მდე სიღრმის ჭრილების გაკეთება შეუძლია. ფიქსირებული ფუძის მქონე ფრეზის უპირატესობა ისაა, რომ ასეთი მოდელები ხშირად მეტად კომპაქტურია, რაც მნიშვნელოვნად აადვილებს მათ გამოყენებას. გაითვალისწინეთ, რომ ფიქსირებული ფუძის მქონე ფრეზს ხის გაჭრა მხოლოდ ერთ “სიღრმეზე” შეუძლია. ჩვენს ონლაინ მაღაზიაში წარმოდგენილი პროდუქციიდან, ფიქსირებული ფუძის მქონე ფრეზის კარგი მაგალითია ბატარეაზე მომუშავე MAKITA 3709, რომელიც ძალიან მოსახერხებელია.
იმისგან დამოუკიდებლად თუ რომელ ფრეზს შეარჩევთ, მნიშვნელოვანია გაითვალისწინოთ, რომ ფრეზის ნებისმიერ მოდელს, დამატებით ფუნქციურობს, სიჩქარის კონტროლი ჰმატებს. ფიქსირებული სიჩქარის მქონე ფრეზები უფრო მეტად კუთხეებზე სამუშაოდ გამოიყენება, მაშინ, როცა ცვალებადი სიჩქარის მქონე მოდელები მეტწილად ზედაპირს ცენტრალურ ნაწილში სამუშაოდაა გამოსადეგი, განსაკუთრებით იმ შემთხვევაში თუ სხვადასხვა სიღრმის ჭრილებს აკეთებთ. ბუნებრივია, რომ რაც უფრო ღრმად ჭრით, მეტი წინააღმდეგობა გხვდებათ მასალისგან, ასე რომ აღნიშნული დამატებითი ფუნქციურობა ძალიან ხელსაყრელი შეიძლება იყოს.
ფრეზის ყველაზე მოთხოვნადი მოდელი
ჩვენი ონლაინ მაღაზიის ყველაზე მოთხოვნადი ფრეზის მოდელია CROWN CT11002 ელექტრო-ფრეზი, რომელსაც ცვალებადი ფუძე აქვს. აღნიშნული მოდელის სიმძლავრეა 1400 W და ჭირდება 220-240 ვოლტიანი კვების წყარო, ხოლო მისი ბრუნვის სიჩქარე წუთში 9000-28000 ბრუნია, მუშაობის სიღრმე კი 0-50 მმ-მდე. აღნიშნული მოდელი მიუხედავად იმისა, რომ საკმაოდ მძლავრია, მოსახერხებელი ზომის არის. გვერდებზე არსებული ორი სახელური კი საშუალებას გაძლევთ კარგად მოიხელთოთ ხელსაწყო, ხოლო მტვრის დისპენსერი ისეა მიმართული, რომ საქმეში ხელი არ შეგიშალოთ. აღსანიშნავია, რომ ამ ფრეზის შეძენის შემთხვევაში, კომპექტში მიიღბთ 6 და 8 მილიმეტრიან გადამყვანს, მიმმართველს, ადაპტერს, მტვრის შესაგროვებლის ადაპტერს და პარალელურ მისაბჯენს. ზოგადად, ფრეზის შეძენისას, კომპლექტს თუ არ მოჰყვება რომელიმე აღნიშნული აქსესუარი, უმჯობესია, რომ თქვენით შეიძინოთ. განსაკუთრებით მნიშვნელოვანია ეგრეთ წოდებული პარალელური მისაბჯენი, რომელიც საშუალებას გაძლევთ სწორ ხაზზე იმუშაოთ და ამ მხრივ, მასალას არ გააფუჭებთ და თავიდან აირიდებთ შეცდომებს, რომელიც შეიძლება მნიშვნელოვნად შემაფერხებელი იყოს.
ფრეზის ყველაზე ხელმისაწვდომი მოდელი
ჩვენს ონლაინ მაღაზიაში ფრეზის ყველაზე ხელმისაწვდომი მოდელია CROWN CT სერიის კიდევ ერთი ხელსაწყო, CT11020. მისი სიმძლავრე 430 ვატია, ბრუნვის სიჩქარე 0-26000 ბრუნი წუთში, ხოლო მუშაობის სიღრმე 0-30 მმ-ია. მიუხედავად ამისა, აღნიშნული მოდელი მხოლოდ 1.5 კილოგრამს იწონის, რის გამოც ის ძალიან პორტატიულია. სხვა ფრეზებისგან განსხვავებით, აღნიშნულ მოდელს შედარებით არაკონვენციური ფორმა აქვს და ბურღს წააგავს, თუმცა ბევრისთვის ის არანაკლებ მოსახერხებელია: ეს მოდელი ყველაზე უკეთ მუშაობს თუ მას დაახლოებით წელის სიმაღლეზე (ოდნავ უფრო მაღლა) იყენებთ, რადგან მისი ბურღისებრი ფორმა ამარტივებს მასალაზე დაწოლას, საჭიროების შემთხვევაში.
შეიძინე ფრეზი განვადებით
შეგახსენებთ, რომ ჩვენთან მოქმედებს სწრაფი შეკვეთის და მიტანის სერვისი, რომლის ფარგლებშიც თქვენთან სასურველ პროდუქციას, ჩვენი კურიერი 1 ან 2 სამუშაო დღეში მოიტანს, საქართველოს ნებისმიერ სოფელსა თუ ქალაქში. ანასთაბავე, სწრაფი შეკვეთის გრაფაში, რომელსაც ნებისმიერი პროდუქტის გვერდზე იხილავთ, შეგიძლიათ გააფორმოთ მომენტალური განვადება. აღსანიშნავია, რომ თუ თქვენ მიერ შეკვეთილი პროდუქტის ღირებულება 50 ლარს აღემატება, მოწოდება უფასოა.
5 ხშირად დასმული კითხვა:
რომელი ფრეზი შევიძინო?
- ფრეზი ძირითადად ორნაირია, ცვალებადი და ფიქსირებული ფუძის. თუ ხის დეტალური დამუშავება და სხვადასხვა სიღრმის ჭრილების გაკეთება გჭირდებათ, მაშინ უფრო მეტად ცვალებად ფუძიანი ფრეზი გამოგადგებათ. თუ მასალის კიდეების დამუშავება გჭირდებათ და სხვადასხვა სიღრმის ჭრილებს არ აკეთებთ, მაშინ ფიქსირებული ფუძის მქონე ფრეზიც გამოგადგებათ.
რა არის ფრეზის საშუალო ფასი?
- თუ გავითვალისწინებთ მოდელების და მათ ფუნქციურობის მრავალფეროვნებას, საშუალო ფასის დადგენა ძალიან რთულია. ჩვენ ონლაინ მაღაზიაში, ფრეზის ფასი 121 ლარიდან იწყება და 1200 ლარამდე ადის, თუმცა შედარებით ძვირიანი მოდელები ძირითადად პროფესიონალებისთვისაა, ვისთვისაც ხეზე მუშაობა ყოველდღიური საქმიანობაა.
როგორ შევარჩიო ფრეზის პირები
- სხვადასხვა მოდელებს სხვადასხვა პირები სჭირდებათ, ამიტომ ყურადღება მიაქციეთ მოდელის სპეციფიკას და ინსტრუქციის ფურცელს. თუ სხვადასხვა ფრეზები გაქვთ, ჩვენთან შეგიძლიათ პირების ნაკრები შეიძინოთ.
რა უპირატესობა აქვს უსადენო ფრეზს?
- უსადენო ფრეზის მთავარი უპირატესობა პორტატიულობაა, თუმცა იმის გათვალისწინებით, რომ ხეზე მუშაობა ხანგრძლივი პროცესია და ფრეზი ენერგეტიკულად მომთხოვნი ხელსაწყოა, რომელიც მყარად უნდა იყოს მოთავსებული ხის ზედაპირზე, ხშირად პორტატიულობას გადამწყვეტი მნიშვნელობა არ აქვს.
რა უნდა გავითვალისწინო ფრეზის უსაფრთხოდ გამოყენებისთვის?
ფრეზის უსაფრთხოდ გამოყენებისთვის, შემდეგი რჩევებია გასათვალისწინებელი:
- გამოიყენეთ დამცავი სათვალე
- ფრეზს მიუერთეთ მტვრის/ნარჩენების შემგროვებელი
- ისარგებლეთ მიმმართველით სამუშაოს ხარისხიანად შესასრულებლად
